“Промовирање на меѓукултурниот дијалог помеѓу младите во РМ”

За проектот

Целта на проектот е зајакнување и промоција на меѓукултурниот дијалог во деловите од Македонија каде што живеат млади лица со различно етничко потекло, како и поттикнување на младите да бидат активни промотори на соживот и меѓукултурно разбирање.

Временска рамка

Август 2012 - Декември 2012

Активности:

• Организирање обуки за пеер врснички едукатори за меѓукултурен дијалог
• Спроведување на врснички работилници за меѓукултурно разбирање
• Креативно изразување преку ликовни творби
• Видео конференција помеѓу различни групи на млади
• Промовирање на културните вредности и креативните творби преку електронски каталог “Младите промотори на меѓукултурниот дијалог”

Поддржано од:

Проектот е поддржан со програмата CIVICA Mobilitas – имплементиран од ЦИРа и финансиран од SDC


________________________________________________________________

„Имплементација на Конвенцијата за правата на детето (КПД) во Македонија“

За проектот:

Проектот опфаќа спроведување на процес на мониторинг и евалуација на конвенцијата за правата на детето во Македонија, во полето на учество на децата и младите во процесите на донесување одлуки на локално и национално ниво. Процесот на мониторинг и евалуација ќе продуцира периодични и годишни извештаи. Со овој проект директно ќе се делува кон заштита на детските права во основните и средните училишта, преку воспоставување на дете правобранител како и кон подобрување на функционирањето на училишните организации и процесите на избори на претседатели во училиштата.

Временска рамка:

Мај 2011 – во тек

Имплементатор:

Коалиција на младински организации “СЕГА” од Прилеп

Партнери:

• Зг „Локална агенција за развој“ – Струга (локален координатор)

Резултати:

• Присвоен прирачник за избор на претседател на клас/одделение на демократки начин во 1 основно и 1 средно училиште во Струга
• Спроведен мониторинг на имплементацијата на конвенцијата за правата на детето во 1 основно и 1 средно училиште во Струга, опфатени 40 ученици и 10 членови на стручни служби, претставници од Министерство за образование при локални институции и новинари
• Воспоставен модел на дете правобранител во 1 средно и 1 основно училиште
• Формирани училишни заедници во 1 средно и 1 основно училиште
• Реализирани 34 работилници за младинско учество, конвенција на правата на детето, специфична улога на детето правобранител, застапување и лобирање и раководење со проектен циклус, опфатени преку 400 ученици
• Реализирани две интеркултурни размени за 16 ученици во Детското село, Троген Швајцарија
• Изготвени годишни програми за работата на училишните заедници во едно средно и едно основно училиште во Струга

Поддржано од: