За проектот:

Дискриминацијата врз основа на пол, етничка и верска припадност е посебно изразена во руралните средини во општина Струга. Жителите, многу често не ја препознаваат дискриминацијата како негативна појава. Предрасудите се дел од традицијата и согласно на тоа и дискриминацијата е општо прифатена и не се осудува. Децаат кои растат во овие средини, ги прифаќаат дискриминативните модели на однесување и созреваат без воопшто да ја преиспитаат исправноста на нивните ставови. Главната цел на овој проект е да им се помогне на жителите од руралните средини од општина Струга да научат да ја препознаваат дискриминацијата и да развијат позитивни начини на справување со истата. Младите луѓе да созреат во комплетни личности кои предрасудите ги заменуваат со емпатија и кои ќе знаат како да ја застапуваат правдата, еднаквоста и човековите права.

Временска рамка:

јули 2011 – ноември 2011

Соработници:

Основните училишта од руралните средини во општина Струга, Хелсиншки Комитет – Скопје, Комисија за односи меѓу заедниците - Струга

Резултати:

• Одржана обука на тема „Дискриминација и Човекови Права“ со 20 претставници од руралните средини
• Напишани 4 сценарија кои обработуваат различни форми на дискриминација и адаптирани за куклен театар
• Изработени 4 сцени за куклен театар и 20 кукли кои се поклонети на 4 основни училишта: „Браќа Миладиновци“ од Струга, Драслајца, Лабуништа и Радолишта.
• Изведени 11 театарски претстави во Вевчани, Драслајца, Мороишта, Франгово, Октиси, Делогожда, Заграчани, Радолишта, Лабуништа и Струга.
• Изработено ДВД со снимките од куклените претстави и објавени на www.facebook.com/ldastruga

Поддржано од:

Канцеларијата на Високиот комесаријат за човекови права и Програмата за развој на Обединетите Нации „Да им помогнеме на заедниците заедно“, финансиски поддржана од владата на Шпанија преку фондот за остварување на Милениумските развојни цели.

Види фотографии тука