Единство во различноста

За проектот:

Целта на овој проект е да се зајакне меѓуетничкиот дијалог и соработка помеѓу граѓаните во Струга. Во таа насока беа организирани јавни дебати на кои граѓаните отворено разговараа на различни теми поврзани со традицијата, предрасудите и верската толеранција. Понатаму, на граѓаните им беше овозможено да ги продолжат дискусиите на подлабоко ниво на меѓу-генерацискиот камп каде имаа обуки и беа поттикнувани да превземат одговорност за сопствените животи и да претставуваат позитивни примери во нивните заедници. На крајот беа организирани два културно-забавни настани во два познати кафе-барови во Струга каде беа изложени фотографиите од фото конкурсот чија цел беше да се прикажат предностите на живеењето во една мешана етничка средина.

Временска рамка:

Октомври 2010 – Март 2011

Соработници:

НВО „Еко-Вел“

Резултати:

Развиени и имплементирани:

Организирани 4 јавни дебати со над 170 учесници од различна етничка припадност и професии.
Комисијата за односи меѓу заедниците е поактивна и потранспарентна во нивната работа. Преку дебатите, членовите на Комисијата ќе ја увидат важноста на вклучувањето на граѓаните во меѓуетничкиот дијалог и ќе продолжат редовно да организираат јавни дебати.
Организиран 5 дневен меѓу-генерациски камп со 25 учесници од факултетите, граѓанскиот и бизнис секторот.
Организиран натпревар за најдобра фотографија „Единство Во Различноста – Струга“ и изложени 30 фотографии на најфреквентните места во Струга.
Организирани два културни настани со музика и фото-изложба во соработка со локалните компании.